ການລາຍງານ ແລະ ການເປີດເຜີຍຂໍ້ມູນ ຂອງບໍລິສັດອອກຈຳໜ່າຍຫຼັກຊັບ ແລະ ບໍລິສັດຈົດທະບຽນ

ການລາຍງານ ແລະ ການເປີດເຜີຍຂໍ້ມູນ ແບບປົກກະຕິ ແມ່ນ ການລາຍງານ ແລະ ການເປີດເຜີຍຂໍ້ມູນ ຕາມງວດເວລາ. ປະກອບມີ: ປະຈຳໄຕມາດ, ຫົກເດືອນຕົ້ນປີ ແລະ ປະຈຳປີ

  ຂໍ້ມູນທີ່ຕ້ອງລາຍງານ ແລະ ເປີດເຜີຍປະຈຳໄຕມາດ I ແລະ III ປະກອບດ້ວຍ:
- ບົດສະຫຼຸບການເຄື່ອໄຫວທຸລະກິດປະຈຳໄຕມາດ ຂອງ ບໍລິສັດອອກຈຳໜ່າຍ ແລະ ບໍລິສັດຈົດທະບຽນ;
- ເອກະສານລາຍງານການ ທີ່ໄດ້ຮັບຮອງຈາກ ຝ່າຍບັນຊີ, ຝ່າຍກວດກາພາຍໃນ ແລະ ຜູ້ອຳນວຍການຂອງບໍລິສັດ.
  ກໍລະນີ ບໍລິສັດອອກຈຳໜ່າຍຫຼັກຊັບ ແລະ ບໍລິສັດຈົດທະບຽນ ເປັນກຸ່ມບໍລິສັດ ເອກະສານລາຍງານການເງິນ  ຕ້ອງສະແດງໃຫ້ເຫັນຂໍ້ມູນທາງການເງິນ ທັງແບບແຍກກິດຈະການ ແລະ ລວມກິດຈະການ.

  ຂໍ້ມູນທີ່ຕ້ອງລາຍງານ ແລະ ເປີດເຜີຍປະຈຳ 6 ເດືອນຕົ້ນປີ ປະກອບດ້ວຍ:
- ບົດສະຫຼຸບການເຄື່ອໄຫວທຸລະກິດປະຈຳ 6 ເດືອນຕົ້ນປີ ຂອງ ບໍລິສັດອອກຈຳໜ່າຍ ແລະ ບໍລິສັດຈົດທະບຽນ;
- ເອກະສານລາຍງານການເງິນ ທີ່ໄດ້ຮັບການທົບທວນຈາກ ບໍລິສັດກວດສອບ ທີ່ໄດ້ຮັບຮອງໂດຍສຳນັກງານຄະນະ   ກຳມະການຄຸ້ມຄອງຫຼັກຊັບ ແລະ ຕ້ອງໄດ້ຮັບ ການຮັບຮອງ ຈາກສະພາບໍລິຫານຂອງບໍລິສັດດັ່ງກ່າວ.
 ເນື້ອໃນຂອງ ເອກະສານລາຍງານການເງິນປະຈຳ 6 ເດືອນຕົ້ນປີ ຕ້ອງສະແດງໃຫ້ເຫັນຂໍ້ມູນປະຈຳໄຕມາດ II ລວມຢູ່ນຳ.
 ກໍລະນີ ບໍລິສັດອອກຈຳໜ່າຍຫຼັກຊັບ ແລະ ບໍລິສັດຈົດທະບຽນ ເປັນກຸ່ມບໍລິສັດ ເອກະສານລາຍງານການເງິນ ຕ້ອງສະແດງໃຫ້ເຫັນຂໍ້ມູນທາງການເງິນ ທັງແບບແຍກກິດຈະ ການ ແລະ ລວມກິດຈະການ.

  ຂໍ້ມູນທີ່ຕ້ອງລາຍງານ ແລະ ເປີດເຜີຍປະຈຳປີ ປະກອບດ້ວຍ:
- ບົດສະຫຼຸບການເຄື່ອໄຫວທຸລະກິດປະຈໍາປີ ຂອງ ບໍລິສັດອອກຈຳໜ່າຍ ແລະ ບໍລິສັດຈົດທະບຽນ;
- ເອກະສານລາຍງານການເງິນປະຈຳປີ ທີ່ໄດ້ຮັບການກວດສອບ ຈາກ ບໍລິສັດກວດສອບ ທີ່ໄດ້ຮັບການຮັບຮອງໂດຍ ສຳນັກງານ ຄຄຊ ແລະ ຕ້ອງໄດ້ຮັບການຮັບຮອງຈາກ ກອງປະ ຊຸມຜູ້ຖືຮຸ້ນຂອງບໍລິສັດດັ່ງກ່າວ.
 ເນື້ອໃນຂອງ ເອກະສານລາຍງານການເງິນປະຈຳປີ ຕ້ອງສະແດງໃຫ້ເຫັນຂໍ້ມູນປະຈຳໄຕມາດ IV ລວມຢູ່ນຳ.
 ກໍລະນີ ບໍລິສັດອອກຈຳໜ່າຍຫຼັກຊັບ ແລະ ບໍລິສັດຈົດທະບຽນ ເປັນກຸ່ມບໍລິສັດ ເອກະສານລາຍງານການເງິນ ຕ້ອງສະແດງໃຫ້ເຫັນຂໍ້ມູນທາງການເງິນ ທັງແບບແຍກກິດຈະ ການ ແລະ ລວມກິດຈະການ.

1. ມະຕິຕົກລົງກ່ຽວກັບ ການສ້າງຕັ້ງ ຫຼື ຍຸບເລີກສາຂາ;
2. ຍົກຍ້າຍສຳນັກງານໃຫ່ຍ;
3. ປ່ຽນແປງຜູ້ກວດສອບ ລວມທັງ ຜູ້ກວດສອບຂອງ ບໍລິສັດໃນກຸ່ມຂອງຕົນ;
4. ການຊື້-ຂາຍຫຼັກຊັບຂອງປະທານ, ຮອງປະທານ ແລະ ສະມາຊິກສະພາບໍລິຫານ, ຄະນະກໍາມະການກວດກາພາຍໃນ, ຄະນະອຳນວຍການ, ຫົວໜ້າບັນຊີ ແລະ ຫົວໜ້າການເງິນ.

1. ບັນທຶກກອງປະຊຸມຜູ້ຖືຮຸ້ນ.

ການລາຍງານ ແລະ ເປີດເຜີຍຂໍ້ມູນແບບຕາມການຮຽກຮ້ອງ ແມ່ນ ການລາຍງານ ແລະ ການເປີດເຜີຍຂໍ້ມູນຂອງ ບໍລິສັດອອກຈຳໜ່າຍຫຼັກຊັບ ແລະ ບໍລິສັດຈົດທະບຽນ ຕາມການຮຽກຮ້ອງ ຂອງ ສຳນັກງານຄະນະກຳມະການຄຸ້ມຄອງຫຼັກຊັບ.

ບໍລິສັດອອກຈຳໜ່າຍຫຼັກຊັບ ແລະ ບໍລິສັດ ຈົດທະບຽນ ຕ້ອງລາຍງານ ແລະ ເປີດເຜີຍຂໍ້ມູນ ແບບຕາມການຮຽກຮ້ອງຂອງ ສຳນັກງານ ຄຄຊ ໃນກໍລະນີ ມີເຫດການໃດໜຶ່ງທີ່ ສົ່ງ ຫຼື ອາດສົ່ງ ຜົນກະທົບຕໍ່ ສິດ ແລະ ຜົນປະໂຫຍດຂອງຜູ້ລົງທຶນ, ຕໍ່ລາຄາຫຼັກຊັບ ຫຼື ຕໍ່ສະຖຽນລະພາບຂອງຕະຫຼາດທຶນ.