ບໍລິສັດ ຜະລິດ-ໄຟຟ້າລາວ ມະຫາຊົນ (EDL-GEN) ໄດ້ເຂົ້າຮ່ວມຮັບລາງວັນດີເດັ່ນໃນສາຂາ Green Leadership , ຊຶ່ງລາງວັນດັ່ງກ່າວໄດ້ມອບໃຫ້ແກ່ບັນດາວິສາຫະກິດທີ່ໄດ້ປະກອບສ່ວນໃນການເຂົ້າມາມີສ່ວນຮ່ວມຕໍ່ການສົ່ງເສີມຄວາມຍືນຍົງຂອງສັງຄົມ ແລະ ປົກປັກຮັກສາສິ່ງແວດລ້ອມ ພາຍໃຕ້ລາງວັນທຸລະກິດທີ່ມີສ່ວນຮ່ວມຕໍ່ສັງຄົມແຫ່ງອາຊີ (Asia Responsible enterprise Award) ປະຈໍາປີ 2018, ຊຶ່ງລາງວັນດັ່ງກ່າວມອບໂດຍ Enterprise Asia, ພິທີມອບຮັບດັ່ງກ່າວໄດ້ຈັດຂຶ້ນ ໃນວັນທີ 1 ມິຖຸນາ 2018, ທີ່ ນະຄອນຫຼວງມະນິລາ ປະເທດ ຟີລິບປິນ.

ໃນວັນດຽວກັນນັ້ນ, ທິມງານ ບໍລິສັດ ຜະລິດ-ໄຟຟ້າລາວ ມະຫາຊົນ ກໍ່ຍັງໄດ້ເຂົ້າຮ່ວມ ກອງປະຊຸມສຸດຍອດການມີສ່ວນຮ່ວມໃນສັງຄົມສາກົນ (ICS) ຊຶ່ງຖືກຈັດຂຶ້ນໃນມື້ດຽວກັນ , ICS ຍັງໄດ້ຮວບຮວມເອົານັກຄິດ, ນັກປະຕິບັດ , ນັກເວົ້າ ແລະ ຜູ້ນໍາດ້ານ Corporate Social Responsible (CRS) ແລະ ໃນກອງປະຊຸມດັ່ງກ່າວ ກໍ່ໄດ້ມີການແລກປ່ຽນບົດຮຽນ ພ້ອມທັງປະກອບຄໍາຄິດເຫັນ CSR ໃນຍຸກປັດຈຸບັນນີ້, ໃນງານດັ່ງກ່າວໄດ້ມີຜູ້ເຂົ້າຮ່ວມຫຼາຍກ່ວາ 250 ທ່ານ, ຈາກ 15 ປະເທດໃນອາຊີ.