ໃນວັນອັງຄານ ທີ 10 ກັນຍາ 2019 ທ່ານສຽວສະຫວາດ ທິລະກຸນ ຮອງຫົວໜ້າ ສຳນັກງານຄະນະກຳມະການຄຸ້ມຄອງຫຼັກຊັບພ້ອມດ້ວຍພະນັກງານພະແນກນິຕິກຳ ແລະ ພະແນກ ຄຸ້ມຄອງການອອກຈຳໜ່າຍຫຼັກຊັບ ສຳນັກງານຄະນະກຳມະການຄຸ້ມຄອງຫຼັກຊັບ ໄດ້ເປີດກອງປະຊຸມເຜີຍແຜ່ລະບຽບການລຸ່ມກົດໝາຍວ່າດ້ວຍວຽກງານຫຼັກຊັບໃຫ້ແກ່ຄະນະສະພາບໍລິຫານ, ການນຳຂັ້ນສູງ, ຂັ້ນພະແນກ ແລະ ວິຊາການຂອງບໍລິສັດຜະລິດໄຟຟ້າລາວ ມະຫາຊົນ ຊຶ່ງປະກອບມີ ຂໍ້ຕົກລົງວ່າດ້ວຍສະພາບໍລິຫານຂອງບໍລິສັດຈົດທະບຽນ, ຄຳແນະນຳວ່າດ້ວຍກອງປະຊຸມຜູ້ຖືຮຸ້ນ ແລະ ຄຳແນະນຳວ່າດ້ວຍການຄຸ້ມຄອງບໍລິຫານສຳລັບບໍລິສັດຈົດທະບຽນໃນຕະຫຼາດຫຼັກຊັບ ທີ່ຫ້ອງປະຊຸມໃຫຍ່ ບໍລິສັດຜະລິດ-ໄຟຟ້າລາວ ມະຫາຊົນ.

ຈຸດປະສົງຕົ້ນຕໍໃນການເຜີຍແຜ່ລະບຽບການໃນຄັ້ງນີ້ກໍ່ແມ່ນເພື່ອສົ່ງເສີມໃຫ້ສະພາບໍລິຫານ ແລະ ບັນດາພະນັກງານທຸກຂັ້ນທີ່ກ່ຽວຂ້ອງໄດ້ມີຄວາມເຂົ້າໃຈເພີ່ມຕື່ມກ່ຽວກັບການປະຕິບັດຕາມ 3 ລະບຽບການດັ່ງກ່າວ.

ລາຍລະອຽດຂອງທັງ 3 ລະບຽບການປະກອບມີ:

ຜ່ານການເຜີຍແຜ່ທັງສາມລະບຽບການເຫັນວ່າ ມີນັກສຳມະນາກອນໃຫ້ຄວາມສົນໃຈຕໍ່ທັງສາມລະບຽບການ ແລະ ໄດ້ຕັ້ງຄຳຖາມເພື່ອຄວາມກະຈາງແຈ້ງເນື່ອງຈາກວ່າ ການຈັດຕັ້ງປະຕິບັດຕົວຈິງ ບໍວ່າຈະເປັນການປະຕິບັດໜ້າທີ່ ແລະ ການຄັດເລືອກສະພາບໍລິຫານ, ການກະກຽມເປີດກອງປະຊຸມສາມັນຜູ້ຖືຮຸ້ນ ແລະ ອື່ນໆ ຍັງມີສິ່ງທ້າທາຍ ແລະ ບາງຂໍ້ຄົງຄ້າງທີ່ຈະຕ້ອງໄດ້ປຶກສາຫາລືກັນ.