ໃນໂອກາດນີ້, ທ່ານ ນາງ ແພງສີ ແພງເມືອງ ຫົວໜ້າສຳນັກງານຄະນະກຳມະການຄຸ້ມຄອງຫຼັກຊັບ ໄດ້ຂຶ້ນກ່າວມີຄຳເຫັນບາງຕອນໃນພິທີ່ສຳຄັນດັ່ງກ່າວວ່າ: “ການເຊັນບົດບັນທຶກຄວາມເຂົ້າໃຈໃນຄັ້ງນີ້ ຖືເປັນຂີດໝາຍສຳຄັນຂອງການຮ່ວມມືລະຫວ່າງສອງພາກສ່ວນ ແລະ ບໍ່ເເມ່ນຖືເປັນຈຸດເລີ່ມຕົ້ນຂອງການຮ່ວມມື ເເຕ່ເປັນການສືບຕໍ່ການຮ່ວມມືຂອງສອງຝ່າຍຂອງສອງພາກສ່ວນແໜ້ນເເຟ້ນຍິ່ງຂຶ້ນ ໃນການສະໜັບສະໜູນ, ຊ່ວຍເຫຼືອຮອບດ້ານ ເພື່ອຈັດຕັ້ງປະຕິບັດວຽກງານ ໃຫ້ປະສົບຜົນສຳເລັດຕາມລະດັບຄາດໝາຍທີ່ກໍານົດໄວ້. ພ້ອມນັ້ນ, ຍັງເປັນການປະກອບສ່ວນສຳຄັນໃນການຕ້ານ ແລະ ສະກັດກັ້ນການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍໃນຂົງເຂດວຽກງານຫຼັກຊັບ ໃຫ້ມີຄວາມເຂັ້ມແຂງ, ໂປ່ງໃສ ແລະ ຍືນຍົງ”.